20 فروری ، 2013 
جلیانوالہ باغ واقعہ شرمناک ہے،برطانوی وزیر اعظم
20 فروری ، 2013
ممبئی…برطانوی وزیر اعظم ڈیوڈ کیمرون نے جلیانوالہ باغ واقعے کو برطانیہ کی تاریخ کاشرمناک ترین واقعہ قراردیا ہے۔بھارت کے تین روزہ دورے کے آخری مرحلے میں برطانوی وزیر اعظم ڈیوڈکیمرون بدھ کو پنجاب کے شہر امرتسر پہنچے جہاں انہوں نے سکھوں عبادت گاہ گولڈن ٹیمپل میں حاضری دی اور جلیاں والا باغ بھی گئے جہاں انہوں نے 1919ء ہلاک ہونے والے پرامن مظاہرین کو خراج عقیدت پیش کیا اور واقعے میں ہلاک ہونے والوں کی یادگار پر پھول چڑھائے۔ڈیوڈ کمرون نے اس موقع پر مہمانوں کی کتاب میں اپنے تاثرات قلمبند کرتے ہوئے کہا کہ ’یہ واقعہ برطانوی تاریخ کے لیے ایک شرمناک بات ہے اور ہمیں یہ فراموش نہیں کرنا چاہئے کہ یہاں کیا ہوا۔ واضح رہے کہ ڈیوڈ کیمرن کے دورہ بھارت کے موقع پریہ قیاس آرائیاں ہو رہی تھیں کہ کیا وہ سال 1919 میں برطانوی دورِ اقتدار میں ہوئے جلیاں والا باغ قتل عام کے لیے معافی مانگیں گے۔
مزید خبریں :
پالتو بلی نے پنجے مار کر اپنے مالک کو ہلاک کر دیا
12 گھنٹے پہلے
ہیکرز نے بینک کا آئی ٹی سسٹم ہیک کرکے 17 ملین ڈالر چوری کرلیے
28 نومبر ، 2024
ٹرمپ کابینہ کے نامزد افراد کو بم حملوں کی دھمکیاں ملنے لگیں
28 نومبر ، 2024
