14 نومبر ، 2024 
پاکستان
جھانگڑ اشرقی سے ملتان جانے والےشہری کا بیگ واش روم میں رہ گیا تھا: ترجمان موٹروے پولیس/ فوٹو جیونیوز
موٹروے پولیس نے تقریباً ساڑھے 8 لاکھ مالیت کا کھویا بیگ مالک کےحوالے کردیا
14 نومبر ، 2024
بہاولپور : ایم 5 پر موٹر وے پولیس نے 8 لاکھ 47 ہزار کا قیمتی سامان سے بھرا بیگ اس کے مالک کےحوالے کردیا۔
ترجمان موٹروے پولیس کے مطابق جھانگڑا شرقی سے ملتان جانے والےشہری کا بیگ واش روم میں رہ گیا تھا جس کے بعد یہ قیمتی بیگ جلال پورانٹرچینج سے پولیس کو ملا۔
پولیس ترجمان نے کہا کہ اس بیگ کی نقدی، زیورات اور سامان کی مالیت 8 لاکھ 47 ہزار روپےتھی جسے اب مالک کےحوالے کردیاگیا ہے۔
قیمتی بیگ واپس مل جانے پر شہری نےموٹر وے پولیس کی ایمانداری کی تعریف کی ۔
دوسری جانب اے آئی جی علی احمد صابر نے پیٹرولنگ افسران کی کارکردگی کوسراہا۔
