29 دسمبر ، 2024 
شہر بھر میں دھرنے، حکومتی بیانات کراچی والوں کو بند راستوں کے عذاب سے نجات نہ دلا سکے
29 دسمبر ، 2024
حکومتی بیانات کراچی والوں کو مجلس وحدت مسلمین کے دھرنوں کے باعث راستوں کی بندش کے عذاب سے نجات نہ دلا سکے۔
خیبرپختونخوا کے ضلع کرم کے علاقے پارا چنار میں سڑک کی بندش کے خلاف کراچی کے 10 سے زائد مقامات پر دھرنے جاری ہیں۔
دھرنوں کے باعث شہریوں کی نقل و حرکت محدود، کاروبار اور شادی بیاہ کی تقریبات متاثر ہیں، پروازیں اور ٹرینیں مِس ہونے کا سلسلہ جاری ہے۔
دو دن قبل وزیراعلیٰ سندھ نے کہا تھا کہ عوام کو تکلیف ہوگی تو سندھ حکومت حرکت میں آئے گی، گزشتہ روز میئر کراچی مرتضیٰ وہاب نے کہا کہ ان دھرنوں کا مقصد معمولاتِ زندگی کو مفلوج کرنا اور کاروبار کو متاثر کرنا ہے جس سے روکنا ریاست کی ذمہ داری ہے۔
آج پیپلز پارٹی کی شازیہ مری نے مظاہرین کو کراچی کے بجائے خیبر پختونخوا میں دھرنے دینے کا مشورہ دے دیا مگر راستے کھلوانے کیلئے کوئی پیش رفت نہیں ہوسکی۔
