30 دسمبر ، 2024 
دنیا
نیتن یاہو کا آپریشن دو گھنٹے سے زائد جاری رہا، انہیں کئی دن زیر زمین وارڈ میں ہی رہنا پڑےگا: میڈیا رپورٹس۔ فوٹو فائل
نیتن یاہو کا خوف کے باعث اسپتال کے زیرزمین وارڈ میں آپریشن، پراسٹیٹ نکال دیا گیا
30 دسمبر ، 2024
اسرائیل کے وزیراعظم بنیامین نیتن یاہو کا زمین زمین خفیہ وارڈ میں طویل آپریشن کر کے پراسٹیٹ نکال دیا گیا۔
اسرائیلی میڈیا رپورٹس کے مطابق صیہونی وزیراعظم کی سرجری اسپتال کے کئی منزلہ زیر زمین وارڈ میں ہوئی، انتہائی خوف کی وجہ سے نیتنن یاہو کا زیر زمین آپریشن کرنا پڑا۔
میڈیا رپورٹس کے مطابق نیتن یاہو کا آپریشن دو گھنٹے سے زائد جاری رہا، انہیں کئی دن زیر زمین وارڈ میں ہی رہنا پڑےگا۔
اسرائیل کے عبوری وزیراعظم کے طور پر وزیر انصاف یاریو لیون نے ذمہ داریاں سنبھالی ہوئی ہیں۔
75 برس کے اسرائیلی وزیراعظم نیتن یاہو کے دل میں گزشتہ سال پیس میکر بھی نصب کیا گیا تھا۔
