02 مارچ ، 2013 
ٹیکس چوروں کو انتخابات میں حصہ لینے کا حق نہیں ہونا چاہئے ، شعیب سڈل
02 مارچ ، 2013
اسلام آباد … وفاقی ٹیکس محتسب شعیب سڈل نے کہا ہے کہ ٹیکس چوروں کو انتخابات میں حصہ لینے کا حق نہیں ہونا چاہئے، صرف غیر متنازع شخصیات کو ہی انتخابات میں حصہ لینے کا اختیار ہونا چاہئے۔ اسلام آباد میں وفاقی محتسب سلمان فاروقی کے ساتھ مشترکا نیوز کانفرنس میں شعیب سڈل کا کہنا تھاکہ موجودہ پارلیمنٹ کے 70 فیصد اراکین ٹیکس گوشوارے جمع نہیں کراتے لیکن اس کا یہ مطلب نہیں کہ وہ انکم ٹیکس نہیں دیتے۔ انہوں نے کہا کہ ٹیکس چوروں کی نشاندہی میں اگر الیکشن کمیشن کوئی معاونت طلب کرے تو فراہم کی جائے گی، نئے کاغذات نامزدگی کی تیاری کے سلسلے میں الیکشن کمیشن کو مراسلہ لکھا تھا، جس میں خدمات کی پیش کش کی گئی تھی۔ وفاقی محتسب سلمان فاروقی نے کہا کہ محتسب کے قوانین میں تبدیلی کا مقصد انصاف کی فراہمی بہتر بنانا ہے۔
مزید خبریں :
پاکستانی وفد کا دورہ یورپ، حاصل کیا ہوا؟
3 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
11 گھنٹے پہلے
