26 فروری ، 2025 
سعودی حکومت نے رمضان المبارک کے دوران 45 ممالک میں قرآن مجید کے 12 لاکھ نسخے تقسیم کرنے کی منظوری دیدی
26 فروری ، 2025
ریاض: سعودی حکومت نے رمضان المبارک کے دوران 45 ممالک میں قرآن مجید کے 12 لاکھ نسخے تقسیم کرنے کی منظوری دے دی۔
سعودی خبررساں ایجنسی کے مطابق خادم الحرمین شاہ سلمان بن عبد العزیز نے قرآن کے نسخوں کی تقسیم کی منظوری دی۔
سعودی پریس ایجنسی (ایس پی اے) کے مطابق قرآن مجید کے نسخوں کی تقسیم اسلامی و ثقافتی مراکز اور سعودی سفارت خانوں میں موجود مذہبی اتاشی کے دفاتر کے ذریعے کی جائے گی۔
سعودی وزیر برائے اسلامی امور، دعوت اور ارشاد شیخ ڈاکٹر عبداللطیف بن عبدالعزیز آل الشیخ نے کہا کہ تقسیم کے لیے شائع ہونے والے قرآن کے نسخے عالمی سطح پر سب سے بہترین ایڈیشنز میں سے ایک ہیں۔
انہوں نے بتایا کہ وزارت نے اس منصوبے سے مستفید ہونے والے ممالک تک قرآن کے نسخوں کی ترسیل کی تمام تیاریاں مکمل کر لی ہیں اور اس کام کو وزارت کے ساتھ منسلک مذہبی اتاشی کے دفاتر اور مراکز اور مختلف اسلامی کونسلوں اور تنظیموں کے ساتھ مل کر مکمل کیا جائے گا۔
مزید خبریں :
سوڈان میں فوجی طیارہ گر کر تباہ، 46 افراد ہلاک
8 گھنٹے پہلے
