26 مئی ، 2025 
گوگل سرچ ایپ میں ایکٹیویٹی ٹیب کو تمام صارفین کیلئے متعارف کرا دیا گیا
26 مئی ، 2025
کئی ماہ کی آزمائش کے بعد اینڈرائیڈ فونز کے لیے گوگل سرچ ایپ میں ایکٹیویٹی ٹیب کو متعارف کرا دیا گیا ہے۔
یہ نئی ٹیب گوگل سرچ ایپ میں نیچے سیوڈ ٹیب کی جگہ متعارف کرائی گئی ہے۔
اب ہوم، سرچ اور نوٹیفکیشنز کے ساتھ سیوڈ کی جگہ ایکٹیویٹی ٹیب موجود ہوگی۔
ایکٹیویٹی ٹیب پر کلک کرنے پر ہسٹری، سیوڈ آئٹمز اور کلیکشنز جیسے آپشنز تک ایک ہی جگہ رسائی مل جائے گی۔
گوگل کے مطابق اس طرح صارفین کو اکاؤنٹس مینیو پر جاکر ہسٹری سرچ کرنے کی ضرورت نہیں ہوگی۔
اسی طرح سیوڈ آئٹمز تک فوری رسائی اس نئی ٹیب سے ممکن ہوگی جبکہ کلیکشنز میں موجود سیوڈ فولڈز کو بھی فوری دیکھنا ممکن ہوگا۔
کمپنی نے بتایا کہ ایکٹیویٹی ٹیب کا مقصد صارفین کو ایک ایسا آپشن فراہم کرنا تھا جہاں وہ اپنے ڈیجیٹل نقش قدم آسانی سے دیکھ سکیں۔
یہ ٹیب ویب اینڈ ایکٹیویٹی سے بھی منسلک ہوگی۔
ویب اینڈ ایکٹیویٹی ایک اور ایسا ٹول ہے جس سے آپ گوگل سروسز میں اپنی سرگرمیوں کو مؤثر طریقے سے ٹریک کرسکتے ہیں۔
گوگل کی جانب سے ڈیلی لیسن کارڈ کو بھی بہتر بنایا جا رہا ہے۔
مزید خبریں :
انسٹا گرام میں ری پوسٹ فیچر کی آزمائش
17 جون ، 2025
میٹا نے آخرکار اشتہارات کو واٹس ایپ کا بھی حصہ بنا دیا
16 جون ، 2025
انسٹا گرام میں نئے فیچرز کا اضافہ
16 جون ، 2025
گھر بیٹھے خلا میں سیلفی کیسے لی جائے ؟ طریقہ جانیں
14 جون ، 2025
گوگل فوٹوز کو ایڈٹ کرنا اب اور بھی آسان ہوگا
13 جون ، 2025
