02 جون ، 2013 
اسپیکر قومی اسمبلی کا انتخاب ،امیدواروں کے کاغذات درست قرار
02 جون ، 2013
اسلام آباد…ن لیگ ،تحریک انصاف، پیپلز پارٹی اور متحدہ کے امیدواروں کے اسپیکر قومی اسمبلی کیلئے کاغذات نامزدگی درست قرار دے دئے گئے ،حتمی مقابلہ کل ہوگا۔ قومی اسمبلی میں اسپیکر اور ڈپٹی اسپیکر کیلئے مسلم لیگ ن ، پیپلز پارٹی ، تحریک انصاف اور متحدہ قومی موومنٹ نے اپنے کھلاڑی میدان میں اتارے ہیں۔ن لیگ کی طرف سے لاہور سے جیتنے والے ایاز صادق نے کاغذات نامزدگی جمع کرائے ہیں ۔اسپیکر شپ کیلئے ایاز صادق کا مقابلہ تحریک انصاف کے شہر یار آفریدی ، پیپلز پارٹی کے یوسف ٹالپور اور ایم کیو ایم کے اقبال قادری سے ہوگا ۔ڈپٹی اسپیکر کیلئے ن لیگ کے مرتضی جاوید امیدوار ہوں گے ، ان کے مقابلے پر تحریک انصاف کی منزہ حسن ، پیپلز پارٹی کے غلام رسول کوریجہ ، اور ایم کیو ایم کی کشور زہرہ سے ہوگا ۔
مزید خبریں :
ایران اور عراق میں ہزاروں پاکستانی پھنس گئے
3 گھنٹے پہلے
گوادر میں زلزلےکے جھٹکے، شدت 4.9 ریکارڈ
14 جون ، 2025
