02 ستمبر ، 2013 
بہاولپور: پولیس حراست سے تین ڈاکو اسلحہ اور وردیاں چھین کر فرار
02 ستمبر ، 2013
بہاولپور…بہاولپور میں تھانہ چنی گوٹھ پولیس کی حراست سے تین ڈاکو اسلحہ اور وردیاں چھین کر فرار ہوگئے۔ڈاکووٴں کو پولیس نے نجی ڈیرے پر رکھا ہوا تھا۔پولیس ذرائع کے مطابق ترنڈہ محمد پناہ میں مسافر بسوں کو لوٹنے میں ملوث تین ڈاکو وٴں کو 15 روز قبل گرفتار کیا گیاتھا۔ڈاکووٴں کو تھانے کے بجائے خرم پور میں سب انسپکٹر تھانہ چنی گوٹھ اللہ بخش کے ڈیرے پر رکھا گیا تھا اور ان کی حفاظت پر تین اہلکار معمور تھے۔اتوار اور پیر کی درمیانی رات ڈاکو مشتاق،مختار اور ان کا ساتھی ،حفاظت پر معمور پولیس اہلکاروں سے سرکاری اسلحہ چھیننے کے بعد ان کی وردیاں پہن کر فرار ہوگئے۔ادھر چنی گوٹھ کے علاقے مہند میں آج ایک اور مسافر بس کو لوٹ لیا گیا۔مزاحمت پر ڈاکووٴں کی فائرنگ سے بس ڈرائیور بھی زخمی ہوا۔
