07 فروری ، 2014 
کرپشن عروج پر ہے، قوم کے وسائل پر لوٹ مچی ہے:جسٹس جواد ایس خواجہ
07 فروری ، 2014
اسلام آباد…سپریم کورٹ کے جسٹس جواد ایس خواجہ نے ریمارکس دیے ہیں کہ ملک میں کرپشن عروج پر ہے، قوم کے وسائل پر لوٹ مچی ہے۔ جسٹس جواد ایس خواجہ نے یہ ریمارکس نیب کی کارکردگی سے متعلق کیس کی سماعت کے دوران دیے، جس کی سماعت ان کی سربراہی میں تین رکنی بنچ نے کی۔ ڈپٹی پراسیکیوٹر اورانویسٹی گیشن افسر نیب عدالتی احکامات کے باوجود عدالت میں پیش نہ ہوئے۔ جسٹس جواد ایس خواجہ نے کہاکہ ان کا پیش نہ ہونا عدالت کی بے عزتی کے مترادف ہے، ملک میں کرپشن عروج پر ہے، کرپشن کا خاتمہ نیب کا کام ہے، مگر حالات یہ ہیں کہ قوم کے وسائل پر لوٹ مچی ہے، عوامی پیسے کے تحفظ کے لیے ہم سب کو ذمہ داری دکھانی ہوگی۔ عدالت نے نیب حکام کی عدم پیشی پر رپورٹ طلب کرتے ہوئے سماعت 12فروری تک ملتوی کردی۔
مزید خبریں :
پاکستانی وفد کا دورہ یورپ، حاصل کیا ہوا؟
3 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
11 گھنٹے پہلے
