11 مارچ ، 2014 
بلڈ ٹیسٹ سے الزائمر کے مرض کی تشخیص ممکن ہو گئی ،امریکی ماہرین کا دعویٰ
11 مارچ ، 2014
واشنگٹن…امریکا میں طب کی دنیا میں بڑی پیش رفت ہوئی ہے، ماہرین نے دعویٰ کیا ہے کہ اب بلڈ ٹیسٹ کے ذریعے بھولنے کی بیماری یا الزائمر کے مرض کا پتا لگایا جاسکے گا۔ واشنگٹن کے جارج ٹاوٴن یونیورسٹی میڈیکل سینٹر کے ماہرین کہتے ہیں کہ بلڈ ٹیسٹ سے یادداشت کی کمزوری یا الزائمر کے مرض کا نہ صرف پتا لگایا جاسکے گا بلکہ ٹیسٹ کے نتائج سے یہ جاننا بھی ممکن ہوگا کہ کوئی بھی شخص اگلے تین سال میں اس بیماری میں مبتلا ہوسکتا ہے یا نہیں،ماہرین کا کہنا ہے کہ یہ ٹیسٹ ایسے افراد کیلئے فائدہ مند ہوگا جو الزائمر کے آثار کے باوجود مرض سے لاعلم ہوتے ہیں ،ماہرین کے مطابق الزائمر کا دیر سے معلوم ہونے پر دوائیں کارگر نہیں ہوتیں ،یوں بلڈ ٹیسٹ سے مرض کا پتا لگنے پر بروقت علاج ممکن ہوسکے گا،ایک اندازے کے مطابق دنیا بھر میں 4کروڑ چالیس لاکھ افراد الزائمر یا بھولنے کی بیماری میں مبتلا ہیں، اور خدشہ ہے کہ 2050 تک یہ تعداد13کروڑ سے تجاوز کرجائیگی ۔
مزید خبریں :
کیا آپ ٹھنڈے پانی سے نہانے کے فوائد جانتے ہیں؟
05 جون ، 2025
روزانہ 2 کپ چائے پینے سے جسم پر کیا اثرات مرتب ہوتے ہیں؟
04 جون ، 2025
کراچی میں نیگلیریا سے ایک شخص انتقال کرگیا
04 جون ، 2025
