09 اپریل ، 2012 
حکومت آئندہ بجٹ میں عوام کی مشکلات کم کرے گی،ایف بی آر
09 اپریل ، 2012
کراچی … فیڈرل بورڈ آف ریونیو کے چیئرمین ممتاز رضوی نے کہا ہے کہ حکومت آئندہ بجٹ میں عوام کی مشکلات کم کرے گی۔ کراچی میں اوورسیز انویسٹرز چیمبر آف کامرس اینڈ انڈسٹری اور وفاق ایوان ہائے صنعت و تجارت پاکستان کے ارکان سے بات چیت میں چیئرمین ایف بی آر نے کہا کہ آئندہ بجٹ میں ٹیکس گزاروں کیلئے ٹیکس کا طریقہ کار آسان بنایا جائے گا۔ انہوں نے کہا کہ سیلز ٹیکس میں رجسٹرڈ نہ ہونے والے خام مال کے خریدار کیلئے قومی شناختی کارڈ یا قومی ٹیکس نمبر کی شرط میں نرمی کیلئے تمام متعلقین سے بات چیت کی جائے گی۔ اس سہولت کیلئے ایف بی آر کے نوٹی فکیشن 191 میں تاجروں اور صنعتکاروں کے تحفظات کا جائزہ لیا جائے گا۔ ممتاز رضوی نے کہا کہ پاکستان میں آئندہ 5 سال میں 3 ارب ڈالر کی سرمایہ کاری متوقع ہے اور اس کے سرمایہ کاروں کوایف بی آر ہر ممکن تعاون فراہم کرے گا۔
مزید خبریں :
پاکستان سے چین کو اونٹنی کے دودھ کے پاؤڈر کی برآمد کا آغاز
28 اپریل ، 2025
ملک میں سونے کی قیمت مزید کم ہوگئی
28 اپریل ، 2025
پاکستان نے چین سے مزید 10 ارب یوان کی درخواست کر دی
27 اپریل ، 2025
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
