11 نومبر ، 2014 
ووٹروں کی تصدیق کی درخواستیں یکجا،سماعت دسمبر سے کرنےکا فیصلہ
11 نومبر ، 2014
اسلام آباد........سپریم کورٹ نے ووٹرزکی تصدیق کی ساری درخواستیں یکجا کردیں ۔کیس کی سماعت دسمبر سے مرحلہ وار شروع کرنے کا فیصلہ کیا ہے۔ چیف جسٹس ناصر الملک نے ریمارکس دیے کہ ووٹوں کی تصدیق ایک مسئلہ ہے، عدالت کو دیکھنا ہے کہ جن ووٹوں کی تصدیق نہیں ہوتی ان کا نتیجہ کیا ہو گا۔ چیف جسٹس ناصر الملک کی سربراہی میں تین رکنی بنچ نے ووٹرز کے انگوٹھوں کے نشانات کی تصدیق سے متعلق کیس کی سماعت کی۔ چیف جسٹس ناصر الملک نےریمارکس دیے کہ عدالتی حکم کے ذریعے تمام الیکشن پٹیشنز کو یک جا کیا گیا ہے، انتخابی معاملات میں مختلف مسائل درپیش ہیں، جن میں سے ایک مسئلہ ووٹ کی تصدیق کا ہے،عدالت کو دیکھنا ہے کہ نادرا الیکشن ٹربیونل کے حکم پر ووٹرز کی تصدیق کرتا ہے، جن کی تصدیق نہیں ہوتی، ان ووٹرز کا نتیجہ کیا ہوگا، ان مقدمات کو مرحلہ وار دسمبر میں سنیں گے۔
مزید خبریں :
