06 جنوری ، 2015 
بھارتی نوجوان نے ناک سے ٹائپنگ کا عالمی ریکارڈ قائم کردیا
06 جنوری ، 2015
نئی دہلی ......بھارتی نوجوان نے ناک کی مدد سے103حروف پر مشتمل جملہ تیزر رفتار سے ٹائپ کرتے ہوئے نیا عالمی ریکارڈ قائم کردیا ہے۔بھارتی شہر حیدرآباد سے تعلق رکھنے والے23سالہ نو جوان محمد خورشید حسین نے حال ہی میں ناک کے ذریعے تیر رفتاری سے ٹائپنگ کرتے ہوئے نیا عالمی ریکارڈ بنا ڈالا۔خورشید حسین نے میڈیاکے لو گوں اور بھرے مجمع کے سامنے اپنے ہاتھ پیٹھ پر باندھتے ہوئے ناک کے ذریعے ٹائپنگ کی اور 103 حروف پر مشتمل جملہ بغیر کسی غلطی کے فقط47سیکنڈز میں کامیابی سے ٹائپ کرکے نیا گینز ریکارڈقائم کردیاجسکے لیے انہوں نے کافی عرصے تک روازنہ چھ گھنٹے تک کڑی پریکٹس کی تھی۔یہ پہلی مرتبہ نہیں بلکہ اس سے قبل بھی خورشید حسین نے 2012ء میں انگریزی کے حروفِ تہجی کو 3.43 سیکنڈز میں اُنگلیوں سے ٹائپ کر کے عالمی ریکارڈ قائم کرچکے ہیں۔ ناک سے تیزر رفتاری سے ٹائپنگ کرنے کا عالمی ریکارڈ اس سے قبل بھی بھارتی باشندے کے پاس ہی تھا ،جو اس نے2008میں دبئی میں 1منٹ 33سیکنڈ میں ٹائپنگ کرکے قائم کیا تھا۔
مزید خبریں :
دولت مند بننے کیلئے کن عادتوں کو اپنانا ضروری ہے؟
20 جون ، 2025
وہ جزیرہ جہاں دنیا کی پہلی اے آئی حکومت قائم کی گئی ہے
19 جون ، 2025
