گھوٹکی میں اساتذہ نے ضلعی انتظامیہ کے نا مناسب رویے کے خلاف بارہویں جماعت کے آج ہونے والے پیپر کا بائیکاٹ کردیا،سیکڑوں طلباء آج کا پیپر نہیں دے سکے اور امتحانی مراکز پر رش ہے۔

گزشتہ روز عمر ڈرہو گرلز ہائیر سیکنڈری اسکول میں گیارہویں کے پیپر کے دوران انڈر ٹریننگ اے ایس پی نے دو طالبات کو نقل کے الزام میں حراست میں لے لیا تھا، دونوں طالبات کو موبائل میں بٹھاکر شہر میںگھمایا گیا اور پھر ڈی سی آفس کے روم میں بند کردیا گیا تھا۔

اساتذہ نے اس نارواسلوک پر آج بارہویں کے پیپر کا بائیکاٹ کردیا ہے جس سے چار ہزار سے زائد طلباء آج بارہویں جماعت کا انگریزی کا پرچہ نہیں دے سکے اور ضلع بھر کے سولہ امتحانی مراکز پر امیدواروں کا رش رہا جبکہ چیئرمین سکھر بورڈ اور ڈپٹی کمشنر نے معاملے کے حل کیلئے مذاکرات شروع کردیئے۔