سری لنکن کپتان کے بعد ہیڈ کوچ کی بھی پاکستان آنے سے معذرت

سری لنکن ٹیم کے ٹی ٹوئنٹی کپتان اپل تھرنگا کے بعد ہیڈ کوچ نے بھی تیسرے ٹی ٹوئنٹی کے لئے پاکستان آنے سے معذرت کر لی۔

پاکستان اور سری لنکا کے درمیان تین میچوں پر مشتمل ٹی ٹوئنٹی سیریز کا آغاز 26 اکتوبر سے ہوگا جس کا تیسرا میچ 29 اکتوبر کو لاہور میں کھیلا جائے گا۔

پاکستان کے ساتھ ٹی ٹوئنٹی سیریز کیلیے سری لنکن ٹیم کا اعلان

کپتان اُہل تھرنگا کے پاکستان آنے سے انکار پر تھیسارا پریرا کو ٹیم کا کپتان مقرر کیا گیا ہے

سری لنکن کرکٹ بورڈ کی جانب سے ٹیم کا اعلان بھی کیا جا چکا ہے جس کی قیادت تھسارا پریرا کریں گے۔

تھسارا پریرا نے گزشتہ ماہ ورلڈ الیون کے ہمراہ بھی پاکستان کا دورہ کیا تھا۔

سری لنکن میڈیا کے مطابق جنوبی افریقا سے تعلق رکھنے والے ہیڈ کوچ نک پوتھاس کے علاوہ فزیو تھراپسٹ بالاسنگھم نے بھی پاکستان آنے سے معذرت کر لی ہے۔

یاد رہے کہ سری لنکا کے ٹی ٹوئنٹی کپتان اپل تھرنگا کی جانب سے پاکستان جانے سے معذرت کے بعد بورڈ نے تھسارا پریرا کو کپتانی کی ذمہ داریاں سونپی ہیں۔