فیس بک کا بچوں کیلئے الگ میسنجر ایپ متعارف کرانے کا اعلان

سان فرانسسکو: فیس بک نے بچوں کے لیے ایک الگ مسنجر ایپلیکیشن کا اعلان کیا ہے جس کا مقصد والدین کی نگرانی میں 12 سال سے کم عمر بچوں کو دیگر افراد سے رابطہ رکھنے کا موقع فراہم کرنا ہے۔

اس ایپ کو آئی او ایس موبائل فونز کے لیے آزمائشی طور پر امریکا میں متعارف کروایا جارہا ہے۔

پراڈکٹ مینیجر لورن چینگ نے کہا ہے کہ فیس بک سمجھتا ہے کہ ایسی ایپ متعارف کروائی جانے کی ضرورت ہے جو بچوں کو والدین کی نگرانی میں دیگر لوگوں سے رابطہ جاری رکھنے دے۔

فیس بک بانی مارک زکربرگ کی بہن بھی جنسی ہراسگی سے نہ بچ سکیں

لاس اینجلس سے میکسیکو کی پرواز میں ایک شخص غیر اخلاقی باتوں سے مسلسل ہراساں کرتا رہا، رینڈی زکربرگ

فیس بک کا کہنا ہے کہ ایپ میں اشتہار نہیں ہوں گے اور کی ٹارگٹ مارکیٹ 6 سال سے 12 سال تک کے بچے ہوں گے۔ ایپ کے ذریعے والدین کانٹیکٹ لسٹ کو کنٹرول کرسکیں گے جبکہ بچے ایسے کسی شخص سے رابطہ نہیں کرسکیں گے جس کی اجازت ان کے والدین نہ دیں۔

انہوں نے کہا کہ کئی بچے والدین کی نگرانی کے بغیر آن لائن ہوجاتے ہیں اور اس ایپ کو متعارف کروانے کا مقصد ایسے بچوں کو تحفظ فراہم کرنا بھی ہے۔

فیس بک اب خودکشی کے رجحانات بھی شناخت کرے گا

فیس بک ایک سافٹ ویئر کے ذریعے صارف کے کمنٹس اور پوسٹ کے الفاظ سے خودکشی کے رجحانات شناخت کرے گا

فیس بک کے اعلامیے میں ایک ریسرچ کا بھی حوالہ دیا گیا جس کے مطابق امریکا میں 6 سال سے 12 سال تک کے 93 فیصد بچوں کی اسمارٹ فون یا ٹیبلٹ تک رسائی تھی جبکہ دو تہائی کے پاس اپنے اسمارٹ فون یا ٹیبلٹ تھے۔