25 جون ، 2015 
ظہیر عباس آئی سی سی کی صدارت کے منصب پر فائز ہوگئے
25 جون ، 2015
دبئی.......پاکستان کے سابق کپتان ظہیر عباس انٹرنیشنل کرکٹ کونسل کی صدارت کے منصب پر فائز ہو گئے۔بارباڈوس میں آئی سی سی کی سالانہ کانفرنس میں ظہیر عباس کو آئندہ ایک سال کےلیے صدارت کا منصب سونپا گیا۔آئی سی سی اجلاس میں شریک ظہیر عباس کا کہنا تھا کہ وہ اپنے عظیم کھیل کی گورننگ باڈی کا صدر بننے پر خوش ہیں،انہوں نے پاکستان کرکٹ بورڈ اور تمام آئی سی سی ممبرز کا بھی شکریہ ادا کیا۔آئی سی سی کے چیئرمین سری نواسن نےظہیر عباس کو صدارت کا عہدہ سنبھالنے پر مبارکباد دی۔ان کا کہنا تھا کہ ظہیر عباس ایک مثالی کرکٹر ہیں،جنہوں نے کرکٹ سچی اسپرٹ اور مہارت کے ساتھ کھیلی اور یہ کرکٹ کےلیے بیش قدر ایمبسیڈر ہیں۔اجلاس میں سربیا کرکٹ فیڈریشن کو 58 ویں ایفیلیٹ ممبر کے طور پر منظوری دی گئی،جبکہ مراکو اور ترکی کی ایفیلی ایشن معطل اور برونائی کی منسوخ کر دی گئی۔
مزید خبریں :
قومی کرکٹر بابراعظم کا سڈنی سکسرز سے معاہدہ
13 جون ، 2025
سابق کپتان ثنا میر نے ایک اور اعزاز حاصل کرلیا
13 جون ، 2025
پاکستان کے لیگ اسپنر اسامہ میر بگ بیش کے ڈرافٹ میں شامل
12 جون ، 2025
