02 جولائی ، 2016 
پشاور :باچا خان چوک پر ڈبے میں موجود بم ناکارہ بنا دیا گیا
02 جولائی ، 2016
پشاور کے مصروف ترین علاقے باچا خان چوک میں بم ڈسپوزل یونٹ نے ڈبے میں موجود بم کو ناکارہ بنا دیا۔ باچا خان چوک پشاور میں پل کے نیچے مشکوک ڈبے کی اطلاع پر پولیس نے روڈ کو چاروں طرف سے بند کر دیا ۔
پشاور کے باچا خان چوک میں مشکوک پیکٹ کی اطلاع ملی تو پولیس نے روڈ کو چاروں طرف سے بند کردیا اور پھر بلایا گیا بم ڈسپوزل یونٹ کو۔
اسپیشل یونی فارم میں بم ڈسپوزل یونٹ کے آفیسر نے پوری ذمے داری اور احتیاط سے پیکٹ کا جائزہ لیا، دھماکا خیز مواد اگر پھٹ جائے تو آفیسر کی زندگی بھی جاسکتی ہے جس کا احساس اس کے ہاتھوں کی جنبش سے بھی واضح تھا۔
دوسری جانب پولیس اہل کار نے بھی دور سے آفیسر کو احتیاط سے کام لینے کا مشورہ دیا،کمال مہارت سے بم ڈسپوزل یونٹ کے آفیسر نے اس پل کے نیچے نصب کیا گیا دو کلو وزنی بم ناکارہ بنادیا۔
بم ناکارہ بنانےکے بعدباچاخان چوک کےاطراف کے سڑکیں کھول دی گئیں۔
مزید خبریں :
پاکستانی وفد کا دورہ یورپ، حاصل کیا ہوا؟
5 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
17 جون ، 2025
