06 جون ، 2017 
کراچی: سیوریج لائن میں چھپایا گیا اسلحہ برآمد
06 جون ، 2017
پولیس نے عزیز آباد مور پارک کے قریب سے سیوریج لائن میں چھپائی گئی سب مشین گن اور چھ میگزین برآمد کرلئے۔
کراچی کے علاقے اورنگی ٹاؤن طوری بنگش میں پولیس نے کارروائی کے دوران ٹارگٹ کلر ساجد بونا کو گرفتار کرکے اسلحہ برآمد کرلیا۔ گرفتاری کے بعد ملزم نے دوران تفتیش عزیز آباد مور پارک کے قریب اسلحہ چھپانے کی جگہ کی نشاندہی بھی کی۔
ایس پی عابد علی بلوچ کے مطابق برآمد کئے گئے اسلحے میں ایک ایس ایم جی اور 6 میگزین شامل ہیں۔ ملزم کا تعلق سیاسی جماعت سے بتایا جاتا ہے۔
ایس پی اورنگی کے مطابق ملزم ساجد ٹارگٹ کلنگ کی درجنوں وارداتوں اور لسانی فسادات میں ملوث ہے جبکہ ملزم کی نشاندہی پر برآمد کیے گئے اسلحہ کا فارنزک ٹیسٹ کرایا جائے گا تاکہ معلوم ہوسکے کہ برآمد اسلحہ کن وارداتوں میں استعمال ہوا ہے۔
مزید خبریں :
پول: امریکا کا اگلا صدر کون ہوگا؟
04 نومبر ، 2024
ڈسکہ الیکشن: علی اسجد ملہی اور نوشین افتخار کون ہیں؟
07 اپریل ، 2021
بھینس کا قومی دن
02 مارچ ، 2021
