20 دسمبر ، 2017 
ٹی بی کےخاتمےکیلئے خیبرپختونخوا میں مریضوں کی گھر گھر تلاشی مہم
20 دسمبر ، 2017
پشاور: خیبر پختونخوا حکومت نے ٹی بی کے مرض کے خاتمے کے لیے مہم شروع کردی ہے، جس کے تحت گھر گھر مریضوں کو تلاش کیا جائے گا اور تشخیص ہونے پر مریضوں کو علاج معالجے کی مفت سہولت فراہم کی جائے گی۔
خیبر پختونخوا میں ہر سال ٹی بی کے 60 ہزار سے زیادہ نئے کیسز سامنے آتے ہیں، جبکہ ہزاروں ایسے مریض بھی ہیں جو مرض کی تشخیص اور علاج کے بغیر کئی سال گزار دیتے ہیں۔
ٹی بی کے خاتمے کی غرض سے اس مہم کے لیے جدید سہولتوں سے آراستہ گاڑیاں استعمال کی جائیں گی جو گھر گھر جاکر ٹی بی کے مریضوں کو تلاش کریں گی۔
ان گاڑیوں کو اسکولوں، اسپتالوں، فیکٹریوں، جیلوں اور بازاروں سمیت دیگر اہم مقامات پر بھی استعمال کیا جائے گا۔
خیبرپختونخوا حکومت نے ٹی بی پر قابو پانے کے لیے 28 کروڑ روپے کے منصوبے کی منظوری بھی دی ہے جس کے تحت مریضوں کو مفت ادویات اور ٹی بی کی مستقل سہولیات فراہم کی جائیں گی۔
'ٹی بی مٹاؤ مہم' پشاور میں جاری ہے جسے بتدریج صوابی اور کرک سمیت دیگر اضلاع تک توسیع دی جائے گی۔
مزید خبریں :
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
