17 جنوری ، 2018 
پاکستان بمقابلہ ورلڈ الیون، غیر ملکی ہاکی کھلاڑیوں کی آمد کا سلسلہ جاری
17 جنوری ، 2018
کراچی: پاکستان بمقابلہ ورلڈ الیون ہاکی میچ اور ہال آف فیم ایونٹ میں شرکت کیلئے غیر کھلاڑیوں کی پاکستان آمد کا سلسلہ جاری ہے۔
بدھ کی شام کراچی پہنچنے والوں میں ہاکی ہال آف فیم میں شامل اسپین کے سابق اولمپئن یوان اسکارے اور آسٹریلین امپائر ڈان پرائیر کے علاوہ آسٹریلین کھلاڑی گرانٹ شوبرٹ اور نیوزی لینڈ کے فل بورس شامل تھے۔
کراچی ائیرپورٹ پر میڈیا سے گفت گو میں اسکارے کا کہنا تھا کہ کوئی ٹیم ہمیشہ نمبر ون نہیں رہتی، پاکستان کو اپنا کھویا ہوا وقار بحال کرنے کیلئے کافی محنت کرنا ہوگی۔
انہوں نے کہا کہ پاکستان میں ہاکی کا ٹیلنٹ بہت ہے، اس کو گروم کرنے کیلئے زیادہ سے زیادہ ٹورنامنٹس میں شرکت ضروری ہے۔
ہاکی کے تمام بڑے ایونٹس میں گولڈ میڈل حاصل کرنے والے آسٹریلوی کھلاڑی گرانٹ شوبرٹ نے کہا کہ ورلڈ الیون کا میچ یہاں ہاکی بحالی کی جانب پہلا قدم ہوگا۔
اس سے قبل نیوزی لینڈ سے تعلق رکھنے والے تین مرتبہ کے اولمپئن گول کیپر کائیل پونٹی فیکس بھی کراچی پہنچے تھے۔
کراچی پہنچنے والے ہاکی لیجنڈز کے اعزاز میں ہال آف فیم تقریب جمعرات کو ہوگی جبکہ جمعہ کو پاکستان اور ورلڈ الیون کے درمیان پہلا میچ کھیلا جائے گا۔
مزید خبریں :
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
