سات ٹیکسی ڈرائیورز کے قتل میں ملوث دو سیریل کلرز گرفتار

سات ٹیکسی ڈرائیورز کے قتل میں ملوث دو سیریل کلرز کو سرگودھا سے گرفتار کرلیا گیا۔

ڈسٹرکٹ پولیس آفیسر (ڈی پی او) کے مطابق ملزمان ٹیکسی بُک کروا کر ڈرائیور کو نشہ آور شے دے کر اغواء کرلیتے تھے۔

آن لائن ٹیکسی سروس کے مسافروں کو لوٹنے والا گروہ پکڑا گیا

ملزمان کے گروہ میں سروس کی فرنچائز کا مالک عمر بھی ملوث ہے، ملزمان ٹیکسی سروس کی جعلی آئی ڈیز بنا کر معصوم لوگوں کا ڈیٹا کیپٹن کے ڈیٹا انٹری میں فیڈ کرتے تھے

انہوں نے بتایا کہ ملزمان نے کارروائياں سرگودھا، جھنگ، جہلم اور سرائے عالمگیر میں کیں اور ان کے قبضے سے اسلحہ، تین گاڑیاں اور 50 لاکھ روپے نقد برآمد ہوئے ہیں۔

ڈی پی او کاکہنا ہے ملزمان ٹیکسی بک کراتے، ڈرائیورکوقتل کرتے اور گاڑی خیبرپختونخواہ میں فروخت کردیتے تھے۔

ڈی پی اوسرگودھا حسن مشتاق سکھیرانے پریس کانفرنس میں مزید بتایا کہ سیریل کلنگ میں ملوث گینگ کے دوملزمان زبیر اورسفیرپنجاب کےمختلف شہروں میں وارداتیں کیاکرتے تھے۔

راولپنڈی میں کریم کیپٹن کو کار چیھننے کے دوران مزاحمت پر قتل کیا گیا،پولیس

کمپنی کے فراہم کردہ ڈیٹا کی مدد سے تین ملزمان گرفتار،اسلحہ، 10موٹر سائیکلیں، 14 گاڑیاں اور نقد رقم برآمد کرلی گئی

ملزمان سرگودھا،جھنگ ،جہلم ، سرائے عالمگیر میں کارروائیوں کےدوران ٹیکسی بک کراتےاورڈرائیورکونشہ آورشے دے کر اغواء کرلیتے۔

ٹیکسی ڈرائیورکوقتل کےبعدلاش دریامیں بہادیتےاورگاڑی کےپی کے میں فروخت کردیتے۔

ڈی پی اوکاکہنا تھا کہ ملزمان قتل کی سات وارداتوں میں ملوث ہیں ۔اس گروہ کے دیگرساتھی کوہاٹ میں بھی ہیں جن کےخلاف کارروائی کی جارہی ہے۔