انگلش کرکٹ بورڈ کے سربراہ مستعفی، رمیز نے اپنی ٹوئٹ کیوں ڈیلیٹ کردی؟

پاکستان کرکٹ بورڈ (پی سی بی) کے چیئرمین رمیز راجہ نے اپنے برطانوی ہم منصب کے مستعفی ہونے کی ٹوئٹ کی لیکن کچھ دیر بعد اسے ڈیلیٹ کردیا۔

پاکستان انگلینڈ سیریز منسوخی کا تنازع انگلینڈ اینڈ ویلز کرکٹ بورڈ کے چیئرمین کو لے ڈوبا۔

برطانوی میڈیا کے مطابق این واٹمور نے چیئرمین کرکٹ بورڈ کے عہدے سے استعفیٰ دے دیا ہے۔

پاکستان انگلینڈ سیریز منسوخی کا تنازع انگلش کرکٹ بورڈ کے چیئرمین کو لے ڈوبا

این واٹمور پاکستان انگلینڈ سیریز منسوخی کی وجہ سے دباؤ کا شکار تھے، بورڈ آف ڈائریکٹرز سے مشاورت کے بعد وہ عہدے سے مستعفی ہوئے برطانوی میڈیا

برطانوی میڈیا کا کہنا ہےکہ این واٹمور کے عہدے کی مدت 5 سال تھی تاہم آئن واٹمور تقریباً ایک سال سے کچھ زیادہ عرصہ ہی عہدے پر فائز رہے ۔

 اس معاملے پر چیئرمین پی سی بی رمیز راجہ نے ٹوئٹ کیا لیکن پھر اس کو ڈیلیٹ کردیا۔

بعد میں رمیز راجہ نے کہا کہ پچھلی ٹوئٹ ان کے ٹوئٹر اکاونٹ پر غلطی سے پوسٹ ہوگئی تھی۔