16 نومبر ، 2021 
کراچی: جنوبی کورین شہری کا گلا کاٹ کر قتل کرنیوالے ملزمان گرفتار
16 نومبر ، 2021
کراچی کے علاقے کشمیر کالونی میں جنوبی کورین شہری کو قتل کرنے والے 3 ملزمان کو گرفتار کرلیا گیا۔
پولیس کے مطابق گرفتار ملزمان میں فیاض حسین مسیح عرف فجی ، جسٹن عرف چاند اور علی حیدر جونیجو شامل ہیں جن سے لوٹے ہوئے موبائل فونز پرس اور نقدی بھی برآمد کرلی گئی ہے۔
پولیس کا بتانا ہے کہ گرفتار ملزمان نے 14 نومبر کو جنوبی کورین شہری چونگ ڈائیوان کو کشمیر کالونی میں واردات کے دوران تیز دھار آلے سے گلا کاٹ کر قتل کیا تھا، ملزمان کا ایک ساتھی کشمیر کالونی میں مقتول کے گھر قریب رہائش پذیر تھا۔
پولیس کے مطابق ملزمان نے بتایا کہ وہ چوری کی نیت سے مقتول کے گھر میں گھسے تھے اور مقتول چونگ ڈائیوان کی آنکھ کھلی تو ملزمان نے مقتول کے ہاتھ پاؤ ں باندھ کر گلا کاٹ کر قتل کیا۔
پولیس کا کہنا ہے کہ مقتول چونگ ڈائیوان ملزمان کو پہچانتا تھا جس کے خوف سے ملزمان نے اس کا قتل کیا۔
