21 دسمبر ، 2021 
'یہ تاثر نہیں ہونا چاہیے کہ فاسٹ بولر کپتانی نہیں کر سکتے'
21 دسمبر ، 2021
قومی ٹیم کے فاسٹ بولر شاہین شاہ آفریدی نے پاکستان سپر لیگ کے ساتویں ایڈیشن میں لاہور قلندرز کا کپتان مقرر کیے جانے پر فرنچائز کا شکریہ ادا کیا۔
جیو نیوز سے گفتگو کرتے ہوئے شاہین آفریدی نے کہا کہ لاہور قلندرز نے مجھے شروع سے عزت دی ہے، اعزاز کی بات ہے کہ جس ٹیم سے پی ایس ایل شروع کیا اس کی کپتانی کر رہا ہوں، ہمیشہ کوشش رہی ہے کہ لاہور قلندرز کے لیے اچھا پرفارم کروں۔
انہوں نے کہا کہ لڑکوں کو آگے لے کر جاؤں گا ، کپتانی اور بولنگ میں بہترین کارکردگی پیش کروں گا۔ ہماری ٹیم کے اوپنر اچھے ہیں، مڈل آرڈر بھی بہترین ہے۔
لاہور قلندرز کے کپتان کا کہنا تھا کہ پی ایس ایل 7 کے لیے جہاں کوئی کمی تھی اسے بہتر کیا ہے، یہ تاثر نہیں ہونا چاہیے کہ فاسٹ بولر کپتانی نہیں کر سکتے، ماضی میں وسیم اکرم، وقار یونس سمیت کئی فاسٹ بولرز کپتان بنے ہیں۔
واضح رہے کہ گزشتہ روز لاہور قلندرز کے سی ای او عاطف رانا نے اعلان کیا تھا کہ پی ایس ایل 7 کی کپتانی شاہین شاہ آفریدی کے سپرد کر دی گئی ہے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
