07 مارچ ، 2022 
شین وارن نے موت سے قبل کیا کھایا تھا؟ دوست کا انکشاف
07 مارچ ، 2022
دنیا کے مایہ ناز لیگ اسپنر شین وارن کی اچانک موت نے جہاں دنیائے کرکٹ کو افسردہ کیا ہوا ہے وہیں ان کی موت کے بعد سے نت نئی باتیں بھی سامنے آرہی ہیں۔
غیر ملکی خبر رساں ادارے رائٹرز کے مطابق شین وارن کے ساتھ تھائی لینڈ کے دورے میں شامل ان کے تین ساتھیوں میں سے ایک ٹام ہال نے انکشاف کیا ہے کہ شین وان نے اپنی موت سے چند گھنٹے قبل اپنے پرانے کرکٹ کے کپڑے بطور تحفہ پیش کیے اور موت سے قبل آسٹریلیا کا روایتی ناشتہ ویجیمائٹ ٹوسٹ کھایا تھا۔
ٹام ہال کے مطابق شین وارن کی موت سے قبل کوئی غیر معمولی حالات دیکھنے میں نہیں آئے تھے، انہوں نے ساتھیوں کے ساتھ مل کر پاکستان اور آسٹریلیا کا میچ بھی دیکھا۔
ٹام ہال کا کہنا تھا کہ شین وارن نے چند بالز دیکھیں اور اپنے کمرے میں چلےگئے، واپس آئے تو ان کے ہاتھ میں کپڑے تھے جسے دیکھ کر محسوس ہورہا تھا کہ گویا شین کسی شاپنگ سے واپس آئےہو ں۔
خیال رہے کہ 4 مارچ کو شین وارن تھائی لینڈ کے علاقے کو ساموی میں واقع ولا میں مردہ حالت میں پائےگئے تھے۔
سابق کرکٹر کے مینیجر کا کہناتھا کہ شین وارن کا انتقال حرکت قلب بند ہونے کی وجہ سے ہوا، میڈیکل ٹیم نے انہیں بچانے کی پوری کوشش کی لیکن وہ جانبر نہ ہوسکے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
5 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
7 گھنٹے پہلے
