15 مارچ ، 2022 
پاکستان
قومی ائیر لائن نے مدینہ اور جدہ کا دوطرفہ کرایہ 95 ہزار 628 روپے کردیا ہے: پی آئی اے/ فائل فوٹو
پی آئی اے نے عمرہ زائرین کیلئے کرایوں میں کمی کا اعلان کردیا
15 مارچ ، 2022
قومی ائیر لائن پی آئی اے نے عمرہ زائرین کے لیےکرایوں میں کمی کا اعلان کردیا ۔
پی آئی اے کے مطابق قومی ائیر لائن نے مدینہ اور جدہ کا دوطرفہ کرایہ 95 ہزار 628 روپے کردیا ہے جب کہ اس سے قبل مدینہ اور جدہ کا دو طرفہ کرایہ ایک لاکھ سے زائد تھا۔
پی آئی اے کے مطابق پی کے 9759 لاہور سے جدہ اور پی کے 9741 اسلام آباد سے جدہ جانے والی پروازوں کے کرایوں میں کمی کی گئی ہے۔
اس کے علاوہ پی کے 9731 کراچی سے جدہ اور پی کے 9735 پشاور تا جدہ کی پروازوں کے کرایوں میں 5 ہزار روپے کی کمی کی گئی ہے۔
