07 اگست ، 2022 
پاکستان
یوم عاشور کے سلسلے میں 7، 8 اور 9 اگست کو گرین لائن بس سروس کو بند رکھا گیا ہے: ترجمان گرین لائن۔ فوٹو فائل
کراچی میں گرین لائن بس سروس 3 روز کیلئے بند رہے گی: انتظامیہ
07 اگست ، 2022
یوم عاشور کے موقع پر تکنیکی بنیادوں پر گرین لائن بس سروس آج سے تین دن کے لیے بند کر دی گئی ہے۔
گرین لائن بی آر ٹی ایس کے ترجمان کے مطابق یوم عاشور کے سلسلے میں 7، 8 اور 9 اگست کو گرین لائن بس سروس کو بند رکھا گیا ہے۔
واضح رہے کہ گرین لائن بس سروس کے آخری اور مرکزی اسٹیشن نمائش چورنگی کے قریب سے تین دن تک یوم عاشور کے سلسلے میں جلوس نمودار ہوتا ہے۔
سکیورٹی وجوہات کی بنا پر یہ علاقہ مکمل طور پر سیل کر دیا جاتا ہے، یہ بھی خیال کیا جاتا ہے کہ یوم عاشور کے موقع پر سرکاری چھٹیوں اور امور زندگی معطل ہونے کی وجہ سے مسافر بھی دستیاب نہیں ہوں گے۔
