بیروت: شہری نے منجمد اکاؤنٹس سے رقم نکلوانے کیلئے عملے کو یرغمال بنا لیا
11 اگست ، 2022
بیروت میں شہری نے غیرملکی کرنسی کے منجمد اکاؤنٹس سے رقم نکلوانے کیلئے بینک کے عملے کو یرغمال بنا لیا۔
مسلح شہری نے فائرنگ کرتے ہوئے مقامی بینک کےعملے اور بینک میں موجود دیگرافراد کو یرغمال بنالیا۔
عرب میڈیا کے مطابق سیکیورٹی فورسز نے بینک کو گھیرے میں لیکر مسلح شخص سے بینک عملے اور دیگر افراد کی رہائی کیلئے مذاکرات شروع کر دیے۔
لبنانی حکومت نے 2019 میں اقتصادی بحران کے باعث غیر ملکی کرنسی اکاؤنٹس منجمد کر دیے تھے، مسلح شخص بینک سے اپنے اور بھائی کے ضبط شدہ 7 لاکھ 10 ہزار امریکی ڈالر کا تقاضہ کر رہا تھا۔
عرب میڈیا کے مطابق حملہ آور نے بینک عملے سمیت دیگر افراد کی جانوں کی سلامتی رقم کی واپسی سے مشروط کی ہے۔
