26 اگست ، 2022 
بھارتی کپتان روہت شرما نے پاکستانی فین کی کونسی خواہش پوری کی؟
26 اگست ، 2022
ان دنوں ایشیا کپ ٹی ٹوئنٹی کیلئے پاکستان ،بھارت سمیت خطے کی دیگر کرکٹ ٹیمیں دبئی میں موجود ہیں۔
جمعے کے روز بھارتی کرکٹ ٹیم کے کپتان روہت شرما نے پریکٹس کے بعد پاکستانی کرکٹ فین کی خواہش پوری کی۔
روہت شرما نے بیٹنگ پریکٹس کے بعد گراؤنڈ سے باہر جنگلے کے ساتھ کھڑے پاکستانی فینز سے ملاقات کی اور ہاتھ بھی ملایا۔
اس دوران پاکستانی فینز روہت شرما کی تصاویر بناتے رہے۔
اس موقع پر ایک فین نے خوشی کا اظہار کرتے ہوئے روہت سے کہا کہ جنگلے کے باہر سے مجھ سے گلے ملیں تو بھارتی کپتان پاکستانی فین سے بظاہر سینے سے سینا ملا کر گلے ملے۔
نوجوان کا کہنا تھا کہ میرے دل کے ارمان پورے ہوگئے، میں روہت بھائی سے بہت پیار کرتا ہوں۔
بعد ازاں بھارتی کپتان کے واپس جانے کے بعد ایک اور فین نے کہا کہ میری روہت بھائی سے درخواست ہے کہ وہ پاکستان کے خلاف تھوڑا ہلکا ہاتھ رکھیں۔
واضح رہے کہ 28 اگست کو پاکستان اور بھارت ایشیا کپ میں ایک دوسرے کے مدمقابل ہوں گے۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
