04 ستمبر ، 2022 
پرامید ہوں بھارت کے خلاف پاکستان میچ جیتے گا: امر خان
04 ستمبر ، 2022
دیگر شائقین کرکٹ کی طرح پاکستانی اداکارہ امر خان بھی ایشیا کپ کے سپر فور مرحلے میں بھارت کے خلاف پاکستان کی جیت کے لیے پر امید ہیں ۔
جیو نیوز کے پروگرام ’جشن کرکٹ میں اداکارہ امر خان اور اینکر عبداللّٰہ سلطان نے 500 کی دوڑ میں سوالات کے جوابات دیے اس دوران امر خان نے پاکستان اور بھارت کے مقابلے پر بات کی۔
امر خان نے کہا ہے کہ ’میں پر امید ہوں کہ پاکستان یہ میچ جیتے گا، پاکستانیوں کی اکثریت بھی سمجھتی ہے کہ آج کا میچ گرین شرٹس ہی جیتے گی۔
شادی کے حوالے سے بات کرتے ہوئے امر خان کا کہنا تھا کہ شادی کا ابھی میں سوچ بھی نہیں سکتی جبکہ سوشل میڈیا پر لوگ بہت ہی فضول تنقید کرتے ہیں۔
امر خان نے یہ بھی کہا کہ عدنان صدیقی سے ٹام کروز تھوڑے بہتر ہیں، مریم نواز کا کردار میں اچھا نہیں کرسکتی ہوں، یہ کبریٰ خان کو کرنا چاہیے۔
امر خان نے بلاول کو مشورہ دیا ہالی وڈ سے آفر آئے تو وہ بھی کریں لیکن پاکستان کو بھی ان کی ضرورت ہے۔
