وہ بہترین فلم جس کی کہانی لوگوں کو بار بار دیکھنے پر مجبور کردیتی ہے

مارٹن اسکورسیسی کا نام بہترین فلموں کی ضمانت ہوتا ہے اور عموماً وہ جرائم کے گرد گھومتے پلاٹس کو بڑی اسکرین پر پیش کرتے ہیں۔

مگر 2010 میں ریلیز ہونے والی ان کی فلم شٹر آئی لینڈ ان کی سابقہ فلموں سے کچھ حد تک مختلف تھی۔

درحقیقت اس فلم کی کہانی تجسس سے بھرپور ہے اور کچھ حد تک ہارر بھی محسوس ہوتی ہے، جس کے دیکھتے ہوئے کئی مناظر میں لوگ اچھل پڑتے ہیں۔

لیونارڈو ڈی کیپریو نے اس فلم میں ایڈورڈ Daniels کا مرکزی کردار ادا کیا تھا جن کے ساتھ مارک ریفلو، بین کنگسلے اور دیگر اہم کرداروں میں جلوہ گر ہوئے۔

پلاٹ

فلم میں 1954 کا عہد دکھایا گیا ہے اور آغاز میں یو ایس مارشل ایڈرورڈ Daniels اپنے نئے ساتھی چک Aule کے ساتھ شٹر آئی لینڈ میں واقع ایک اسپتال میں پہنچتا ہے تاکہ ایک خاتون کی گمشدگی کی تحقیقات کرسکے۔

اسپتال کا عملہ اور انچارج اس تحقیقات میں تعاون نہیں کرتا مگر دونوں مارشلز کو پتا چلتا ہے کہ خاتون کی گمشدگی کے فوری بعد لیسٹر نامی ایک ڈاکٹر تعطیلات پر چلا گیا تھا۔

ذہنوں کو الجھا دینے والی بہترین فلمیں جو آپ بار بار دیکھنے پر مجبور ہو جائیں گے

ان فلموں کو جتنی بار بھی دیکھا جائے وہ زیادہ بہتر لگتی ہیں۔

تحقیقات کے دوران ایڈورڈ کو مسلسل آدھے سر کے درد کی شکایت کا سامنا ہوتا ہے اور اس کے سامنے ماضی کی جھلکیاں ابھرتی رہتی ہیں۔

وہ اپنی بیوی کو خواب میں دیکھتا ہے جسے ایک فرد نے آگ لگا کر قتل کردیا تھا۔

اس طرح فلم کی کہانی آگے بڑھتی رہتی ہے اور تحقیقات بہت پرتجسس انداز سے آگے بڑھتی ہے۔

اگر آپ نے یہ فلم نہیں دیکھی تو مزید کہانی بیان کرنے سے اس کا پورا مزہ خراب ہوجائے گا، تو بہتر ہے کہ آگے جاننے کے لیے فلم کو دیکھ لیں۔

وہ ہارر فلم جو آپ بار بار دیکھنے پر مجبور ہو جائیں گے

4 دہائیوں بعد بھی اسے ہر دور کی بہترین ہارر فلموں میں سے ایک قرار دیا جاتا ہے۔

مگر یہ یاد رکھیں جو کہانی آپ فلم میں دیکھیں گے اس پر یقین نہ کریں کیونکہ آخر میں جو شاک آپ کا منتظر ہوگا وہ ذہن کو گھمانے کے لیے کافی ہوگا۔

درحقیقت اس فلم کا اختتام ایسے انداز سے ہوتا ہے جو اب بھی متعدد افراد کے لیے الجھن کا باعث بنا ہوا ہے۔

فلم کے کچھ پس پردہ حقائق

اس فلم کی عکسبندی کے پیچھے کچھ دلچسپ حقائق بھی چھپے ہیں۔

ڈائریکٹر اور لیونارڈو ڈی کیپریو The Departed کے بعد پہلے دی وولف آف وال اسٹریٹ بنانا چاہتے تھے مگر بجٹ پورا نہ ہونے پر انہوں نے پہلے شٹر آئی لینڈ پر کام کرنے کا فیصلہ کیا۔

وہ بہترین فلم جس کا جادو سر چڑھ کر بولتا ہے

یہ فلم اسی نام کے ایک ناول پر مبنی تھی جس میں 1800 کی دوسری دہائی کے زمانے کو دکھایا گیا ہے۔

فلم کی کہانی میں چھپے سرپرائز کا اشارہ کئی بار فلم میں دیا گیا اور ایسا جان بوجھ کر کیا گیا۔

یہ مارٹن اسکورسیسی اور لیونارڈو ڈی کیپریو کی اب تک کی واحد فلم ہے جسے آسکر ایوارڈز میں کسی شعبے میں نامزدگی نہیں مل سکی۔

یہ فلم اسی نام کے 2003 میں شائع ہونے والے ناول پر مبنی تھی۔

مارک ریفلو کو اس فلم میں کام ڈائریکٹر کو ایک لکھے گئے ایک خط کی وجہ سے ملا جو انہوں نے ڈائریکٹر کی تعریف میں تحریر کیا تھا۔

وہ فلم جس کو کم از کم ایک بار ضرور دیکھنا چاہیے

یہ فلم آپ کے دل کو پگھلانے کے ساتھ ساتھ آنکھوں کو اشک بہانے پر مجبور کر دے گی۔

فلم کی کاسٹ نے 2008 میں 4 ماہ شٹر آئی لینڈ میں رہ کر اس کی عکسبندی کو مکمل کیا مگر اس کی ریلیز 2010 میں ممکن ہوسکی۔

ڈائریکٹر کو 1940 سے پہلے کی زومبی موویز نے متاثر کیا تھا اور اسی طرح کے انداز کو فلم میں پیش کیا گیا۔