متنازع ٹوئٹ کیس: اعظم سواتی کے جوڈیشل ریمانڈ میں مزید 14 دن کی توسیع

متنازع ٹوئٹ کیس میں پاکستان تحریک انصاف (پی ٹی آئی) کے سینیٹر اعظم سواتی کے جوڈیشل ریمانڈ میں مزید 14 دن کی توسیع کردی گئی۔

14 روزہ جوڈیشل ریمانڈ مکمل ہونے پر ڈسٹرکٹ اینڈ سیشن کورٹ اسلام آباد کے جوڈیشل مجسٹریٹ نصیرالدین نےاعظم سواتی کےجوڈیشل ریمانڈ میں مزید 14 دن کی توسیع کر دی۔

اعظم سواتی کا کیس انسانی حقوق کی خلاف ورزی کے تناظر میں اجاگر کیا جائے: عمران خان

عمران خان نے سینیٹرز کو اعظم سواتی کیس اجاگر کرنے کا ٹاسک دے دیا، پی ٹی آئی سینیٹ کے فلور اور عدلیہ کے سامنے انسانی حقوق سے متعلق معاملات اٹھائے گی

اعظم سواتی کیس کا چالان تاحال عدالت میں پیش نہ ہوسکا، عدالت نےکیس کی سماعت 12 جنوری تک ملتوی کردی۔

دوسری جانب ذرائع کا کہنا ہے کہ عمران خان نے سینیٹرز کو اعظم سواتی کیس اجاگر کرنے کا ٹاسک دے دیا ہے، پی ٹی آئی نے سینیٹ کے فلور اور عدلیہ کے سامنے انسانی حقوق سے متعلق معاملات اٹھانے کا فیصلہ کیا ہے۔

ذرائع کے مطابق اجلاس میں عمران خان نےکہا کہ انسانی حقوق کی بدترین خلاف ورزیوں کا سلسلہ جاری ہے، پی ڈی ایم حکومت آئینی اور انسانی حقوق کی خلاف ورزی کر رہی ہے۔

 پی ٹی آئی کے سینیٹر اعجاز چوہدری کا کہنا ہےکہ اعظم سواتی کےساتھ جوسلوک ہو رہا ہے وہ قابل مذمت ہے، اعظم سواتی کا جرم یہ تھا کہ اس نے کہا این آر او ٹو  باجوہ نے دلوایا۔ 

’اعظم سواتی کو زیادہ سے زیادہ عمر قید ہوسکتی ہے‘: ضمانت مسترد کا تفصیلی فیصلہ جاری

سواتی نے مصدقہ ٹوئٹر اکاؤنٹ سے اداروں کے خلاف مہم چلائی، انہوں نے افواجِ پاکستان کے خلاف بغاوت پر اکسانے کی کوشش کی: عدالت

پی ٹی آئی رہنما اعظم سواتی کی درخواست ضمانت مسترد

اعظم سواتی نے ایک ہی جرم دوبار کیا لہٰذا ان کی درخواست ضمانت خارج کی جاتی ہے: عدالت