06 جنوری ، 2023 
ہیکرز نے 20 کروڑ سے زائد ٹوئٹر صارفین کے ای میل ایڈریس لیک کردیے
06 جنوری ، 2023
ہیکرز نے ٹوئٹر کے 20 کروڑ سے زیادہ صارفین کے ای میل ایڈریسز چوری کرکے ایک آن لائن فورم پر پوسٹ کردیے ہیں۔
یہ دعویٰ ایک سکیورٹی محقق نے کیا۔
سائبر سکیورٹی کمپنی ہڈسن راک سے تعلق رکھنے والے ایلن گال نے بتایا کہ ای میل ایڈریسز کے ڈیٹا کو ہیکنگ اور دیگر مقاصد کے لیے استعمال کیے جانے کا خطرہ ہے۔
لنکڈ ان میں ایک پوسٹ کے دوران انہوں نے اسے تاریخ کی چند بڑی لیکس میں سے ایک قرار دیا۔
ٹوئٹر کی جانب سے اس حوالے سے ابھی کوئی بیان جاری نہیں کیا گیا اور یہ واضح نہیں کہ سوشل میڈیا پلیٹ فارم نے اس مسئلے پر کیا اقدامات کیے ہیں۔
ہیکنگ آن لائن فورم پر موجود اس ڈیٹا کے اسکرین شاٹ آن لائن سائٹس پر گردش کررہے ہیں۔
یہ ڈیٹا حاصل کرنے والے ہیکرز کی شناخت ابھی نہیں ہوسکی ہے اور محقق کے مطابق ممکنہ طور پر اسے 2021 میں چوری کیا گیا تھا۔
اس لیک کے بارے میں رپورٹس دسمبر سے سامنے آرہی تھیں اور کچھ رپورٹس میں بتایا گیا کہ 40 کروڑ ای میل ایڈریسز اور فون نمبر چوری کیے گئے ہیں۔
مزید خبریں :
فیس بک نے صارفین کو کمانے کا نیا موقع فراہم کردیا
12 گھنٹے پہلے
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
