10 جنوری ، 2023 
پاکستان
کومبنگ آپریشن میں 85 سے زائد گھروں کی تلاشی اور 49 افراد کے کوائف چیک کیے گئے: پولیس/ فائل فوٹو
کراچی: ملیر اور دیگر علاقوں میں پولیس کا کومبنگ آپریشن
10 جنوری ، 2023
کراچی : ملیر پولیس نے جرائم پیشہ عناصر کی تلاش میں کومبنگ آپریشن کیا جس میں جرائم پیشہ ملزمان گرفتار کرلیے۔
ایس ایس پی عرفان بہادر کے مطابق کومبنگ آپریشن کے دوران 2 مطلوب عادی جرائم پیشہ ملزمان پکڑے گئے جن میں فرحان علی اور اشفاق خان شامل ہیں، ملزمان سے اسلحہ بھی برآمد کیا گیا ہے، ان کے خلاف مقدمات درج کرکے تفتیش شروع کردی ہے۔
ایس ایس پی نے بتایا کہ آپریشن میں خواتین پولیس اہلکاروں نے بھی حصہ لیا، دوران آپریشن بن قاسم تھانے کی حدود شاہ ٹاؤن پیپری اور سندھی گوٹھ میں مشتبہ گھروں کی تلاشی لی گئی اور مشتبہ افراد کی شناخت اور کوائف کو بھی چیک کیا گیا ۔
ایس ایس پی کے مطابق کومبنگ آپریشن میں 85 سے زائد گھروں کی تلاشی اور 49 افراد کے کوائف چیک کیے گئے ۔
