06 مارچ ، 2023 
پاکستان
گزشتہ دنوں لاہور کی ضلعی انتظامیہ نے 8 مارچ کو عورت مارچ کی اجازت دینے سے انکار کردیا تھا— فوٹو:فائل
عورت مارچ کی اجازت کا معاملہ، ہائیکورٹ نے ڈی سی لاہور کو کل طلب کرلیا
06 مارچ ، 2023
لاہور ہائیکورٹ نے عورت مارچ کی اجازت کیلئے دائر درخواست میں ڈپٹی کمشنر لاہور سپرٹنڈنٹ آف پولیس (ایس پی) سول لائن کو کل طلب کرلیا۔
لاہورہائیکورٹ کے جسٹس انوار حسین نے عورت مارچ کی اجازت کیلئے دائر شہری کی درخواست پرسماعت کی۔
درخواست گزار کے مطابق ڈی سی لاہور کو عورت مارچ کیلئے درخواست دی لیکن اجازت نہیں ملی لہٰذا عدالت عورت مارچ کرنے اور سکیورٹی فراہم کرنے کا حکم دے۔
عدالت نے ڈی سی لاہور اور ایس پی سول لائن کو کل جواب سمیت طلب کرلیا۔
خیال رہے کہ اس سے قبل جسٹس مزمل اختر نے درخواست پر سماعت سے معذرت کرلی تھی۔
واضح رہے کہ گزشتہ دنوں لاہور کی ضلعی انتظامیہ نے 8 مارچ کو عورت مارچ کی اجازت دینے سے انکار کردیا تھا۔
