24 مارچ ، 2023 
پاکستان
فوٹو: فائل
لاہور ہائیکورٹ نے ریسٹورنٹس کو افطاری سے سحری تک کھولنےکی اجازت دے دی
24 مارچ ، 2023
لاہور ہائی کورٹ نے ماہ رمضان کے پیش نظر ریسٹورنٹس کے اوقات کار تبدیل کرنےکی اجازت دے دی۔
لاہور ہائی کورٹ میں اسموگ کے تدارک کے لیے دائر درخواستوں پر سماعت ہوئی، جسٹس شاہدکریم نے شہری ہارون فاروق سمیت دیگر کی درخواستوں پرسماعت کی۔
ایک درخواست گزار کے وکیل نےکہا کہ ریسٹورنٹس کا مسئلہ ہے، 11 بجے بندکیا جائے تو سحری کے وقت کیسے اوپن کیا جائے۔
عدالت نے ریسٹورنٹس کو افطاری سے سحری تک کھولنے کی اجازت دے دی۔
خیال رہےکہ لاہور ہائی کورٹ نے اسموگ کی روک تھام کے لیے لاہور کے تمام ریسٹورٹنس رات دس بجے بند کرنےکے احکامات جاری کیے تھے بعد ازاں عدالت نے ایک گھنٹےکا اضافہ کرتے ہوئے رات 11 بجے تک ریسٹورنٹس بند کرنے کے احکامات دیے تھے۔
