وزیراعظم نے جسٹس قاضی فائز کیخلاف کیوریٹیو ریویو ریفرنس واپس لینےکاحکم دیدیا

اسلام آباد: وزیراعظم شہباز شریف نے سپریم کورٹ کے سینئر جسٹس قاضی فائز عیسیٰ کےخلاف کیوریٹیو ریویو ریفرنس واپس لینےکاحکم دے دیا۔

حکومت نے جسٹس قاضی فائز عیسیٰ کے خلاف ریفرنس کی پیروی نہ کرنے کا فیصلہ کیا ہے۔

حکومت کا فائز عیسیٰ کیخلاف نظرثانی درخواست واپس لینے اور ریفرنس بنانے والوں کیخلاف کارروائی کا فیصلہ

قاضی فائز عیسیٰ کے خلاف جھوٹا ریفرنس بنانے والوں کے خلاف کارروائی کیلئے کابینہ کی سب کمیٹی قائم کر دی، وزیرداخلہ رانا ثنا اللہ

وزیراعظم نے وزیرقانون کوکیوریٹیو ریویو ریفرنس واپس لینے کی ہدایت کردی۔

وزیراعظم نے کہا کہ ریفرنس کے نام پرجسٹس قاضی فائز عیسیٰ اور ان کے اہلخانہ کو ہراساں اوربدنام کیاگیا، جسٹس قاضی فائز کےخلاف ریفرنس کوئی ریفرنس نہیں تھا، یہ ایک منصف مزاج جج کے خلاف منتقم مزاج عمران نیازی کی انتقامی کارروائی تھی، یہ عدلیہ کی آزادی پر شب خون اور اسے تقسیم کرنے کی مذموم سازش تھی،  مسلم لیگ(ن) اور اتحادی جماعتوں نے اپوزیشن دور میں بھی اس کی مذمت کی تھی۔

وزیراعظم شہباز شریف نے مزید کہا کہ عمران نیازی نے صدرکے آئینی منصب کا اس مجرمانہ فعل کے لیے ناجائزاستعمال کیا، صدر عارف علوی عدلیہ پر حملے کے جرم میں آلہ کار اورجھوٹ کےحصہ داربنے، پاکستان بارکونسل سمیت وکلا تنظیموں نے بھی اس ریفرنس کی مخالفت کی تھی، اس ریفرنس سے متعلق پاکستان بارسمیت وکلا تنظیموں کی رائےکی قدرکرتے ہیں۔