سپریم کورٹ نے 10 سال سے آڈٹ نہ ہونے کی خبروں کو بےبنیاد اور گمراہ کن قرار دیدیا

سپریم کورٹ نے 10 سال سے آڈٹ نہ ہونے کی خبروں کو بےبنیاد اور گمراہ کن قرار دے دیا۔

سپریم کورٹ کے آڈٹ سے متعلق رجسٹرار کی پبلک اکاؤنٹس کمیٹی میں طلبی کے معاملے پر ترجمان سپریم کورٹ کی جانب سے وضاحتی بیان جاری کیا گیا ہے۔

ترجمان سپریم کورٹ کا کہنا ہے کہ سپریم کورٹ کا جون 2021 تک آڈٹ مکمل ہو چکا ہے اور 2021 سے 2022 کے آڈٹ کا عمل جاری ہے، سپریم کورٹ کے آڈٹ سے متعلق آڈیٹر جنرل پاکستان سے تصدیق کی جا سکتی ہے۔

پبلک اکاؤنٹس کمیٹی اجلاس، ریٹائرڈ ججز اور جرنیلوں کو ملنے والی مراعات کا ریکارڈ طلب

آڈٹ حکام آئندہ ہفتے تمام ریکارڈ فراہم کریں، سی ڈی اے کی جانب سے ریکور کیے گئے پلاٹوں کی تفصیلات بھی فراہم کی جائیں: چیئرمین پی اے سی

سپریم کورٹ کے ترجمان کا کہنا ہے کہ پبلک اکاؤنٹس کمیٹی کو دی گئی معلومات درست نہیں ہیں۔

یاد رہے کہ چئرمین پبلک اکاؤنٹس کمیٹی نور عالم خان نے سپریم کورٹ کے آڈٹ پر سوال اٹھاتے ہوئے رجسٹرار سپریم کورٹ کو طلب کیا تھا۔ 

پبلک اکاؤنٹس کمیٹی نے10 سال سے آڈٹ نہ کرانے پر رجسٹرارسپریم کورٹ کو طلب کرلیا

سپریم کورٹ آف پاکستان کا 10 سال سے کوئی آڈٹ نہیں ہوا، چیئرمین کمیٹی نور عالم خان

چیئرمین پبلک اکاؤنٹس کمیٹی نے سپریم کورٹ کے آڈٹ پر سوال اٹھادیا

چیف جسٹس کس قانون کے تحت آڈٹ نہیں کرارہے اورکون سے قانون کے تحت تنخواہیں بڑھا رہے ہیں: نور عالم خان