20 اپریل ، 2023 
کن ممالک میں عیدالفطر جمعے کو اور کن میں ہفتے کو منائی جائے گی؟
20 اپریل ، 2023
دنیا کے بعض ممالک میں عیدالفطر جمعے کو جبکہ بعض میں ہفتے کے روز منائی جائے گی۔
سعودی عرب میں آج چاند نظر آگیا ہے اور وہاں جمعے کو عید الفطر منائی جائے گی۔ اس کے علاوہ متحدہ عرب امارات، افغانستان، ترکیہ اور مصر میں بھی عید 21 اپریل جمعے کو منائی جائےگی۔
پاکستان میں چاند نظر نہیں آیا اور عید الفطر ہفتے کو ہوگی۔ ملائیشیا میں شوال کا چاند نظر نہیں آیا ہے اور ملائیشین حکومت کے مطابق ملائیشیا میں عیدالفطر 22 اپریل بروز ہفتہ ہوگی۔
اس کے علاوہ سنگاپور میں بھی شوال کا چاند نظر نہیں آیا، مجلس علماء اسلام سنگاپور کے مطابق سنگاپور میں عید الفطر 22 اپریل بروز ہفتہ ہوگی۔
ادھر آسٹریلیا میں بھی عیدالفطر 22 اپریل بروز ہفتہ منائی جائے گی۔ برونائی، جاپان، فلپائن اور تھائی لینڈ میں بھی عیدالفطر 22 اپریل کو ہوگی۔
بھارت میں بھی شوال کا چاند نظر نہیں آیا، بھارت میں عیدالفطر 22 اپریل ہفتے کو منائی جائےگی۔
ایران میں بھی شوال کا چاند نظر نہیں آیا،ایران میں عیدالفطر 22 اپریل ہفتے کو ہوگی۔
بنگلا دیش میں شوال کا چاند دیکھنے کیلئے اجلاس جمعے کو ہوگا۔
مزید خبریں :
حجاج کرام آج بڑے شیطان کی رمی کر رہے ہیں
5 گھنٹے پہلے
'پاکستان میں بہت مضبوط لیڈر شپ ہے'، امریکی صدر ٹرمپ
11 گھنٹے پہلے
