06 اگست ، 2023 
ماڈل سے اسکینڈل سامنے آنے کے بعد عامر کا اہلیہ کو قیمتی گاڑی کا تحفہ دیکر منانے کی کوشش
06 اگست ، 2023
پاکستانی نژاد برطانوی باکسر عامر خان نے ماڈل گرل سمیرا سے اسکینڈل سامنے آنے کے بعد ناراض اہلیہ فریال مخدوم کو منانے کے لیے انہیں قیمتی گاڑی کا تحفہ دے دیا۔
عامر خان کی سوشل میڈیا پر شیئر کی گئی پوسٹ کے مطابق انہوں نے اہلیہ فریال مخدوم کو دبئی میں جی ویگن اسٹائل کی جدید گاڑی بطور تحفہ دی، معروف برانڈ کی گاڑی کی مالیت ایک لاکھ 30 ہزار پاؤنڈز ہے۔
برطانوی میڈیا کے مطابق عامر خان کا حال ہی میں ایک ماڈل گرل کو پیغامات کے تبادلے کا اسکینڈل سامنے آیا تھا۔
اسکینڈل سامنے آنے پر فریال مخدوم خان عامر خان سے ناراض تھیں، عامر خان نے قیمتی گاڑی کا تحفہ دے کر معاملات کو اچھا کرنے کی کوشش کی ہے لیکن فریال مخدوم نے گاڑی میں بیٹھ کر خوشگوار تاثرات کا مظاہرہ نہیں کیا۔
عامر خان نے سوشل میڈیا پر گاڑی کی ویڈیو بھی اپ لوڈ کی ہے، ویڈیو میں فریال مخدوم خان کے چہرے کے تاثرات کو دیکھا جا سکتا ہے۔
فریال مخدوم کے چہرے کے تاثرات تعلقات کی تمام کہانی بتا رہے تھے: برطانوی میڈیا
عامر خان نے سوشل میڈیا پیغام میں لکھا ہے کہ فریال کو جی ویگن اسٹائل گاڑی پسند ہے، میں یہ گاڑی دے کر فریال کو حیران کرنا چاہتا تھا، مجھے امید ہے کہ فریال کو گاڑی پسند آئے گی۔
برطانوی میڈیا نے تبصرہ کرتے ہوئے لکھا کہ فریال مخدوم کے چہرے کے تاثرات تعلقات کی تمام کہانی بتا رہے تھے۔
عامر خان پر برطانوی نشریاتی ادارے کی پریزنٹر سوزی من نے بھی ہراساں کرنے کے الزامات لگائے ہیں۔
پریزنٹر کا دعویٰ ہے کہ عامر خان نے ایک کنسرٹ میں ملاقات کے بعد رابطے کی کوشش کی۔
