29 اگست ، 2023 
کراچی میں شارع فیصل پر شیر آگیا
29 اگست ، 2023
کراچی کی شارع فیصل پر ایک شیر آگیا جسے دیکھ کر شہری حیران رہ گئے۔
شارع فیصل پر عائشہ باوانی کالج کے قریب شیر ٹہلتا ہوا ایک عمارت کی پارکنگ میں پہنچ گیا، پولیس اہلکار موقع پر پہنچ گئے، شیر کو دیکھنے کے لیے شہریوں کا بھی رش لگ گیا۔
شارع فیصل پر عائشہ باوانی کالج کے سامنے گاڑیوں کی قطاریں لگ گئیں۔
پولیس کے مطابق گاڑی کے ذریعے شیرکو منتقل کیا جا رہا تھاکہ شیرگاڑی سے باہر نکل آیا، پولیس نے گاڑی کے ڈرائیور کو حراست میں لے لیا۔
پولیس نے شیر کے مالک کو گارڈن کے علاقے سے گرفتار کرلیا ہے، شیر کے مالک نے پولیس کو بتایا کہ شیر بیمار تھا اور اسے ڈاکٹر کے پاس لے جایا جارہا تھا کہ یہ واقعہ پیش آیا۔
پولیس کے طلب کرنے پر وائلڈ لائف حکام موقع پر پہنچے، اس موقع پر شیر کے رکھوالے بھی آگئے جنہوں نے شیر کو قابو کرکے پنجرے میں منتقل کردیا۔
مزید خبریں :
کتے کی اپنے مالک کے ساتھ پیراگلائیڈنگ کی ویڈیو وائرل
19 نومبر ، 2024
منفرد کیفے جہاں لوگوں کو تابوت کے اندر رہنے کا موقع دیا جاتا ہے
15 نومبر ، 2024
