جلاؤ گھیراؤ کیس: صنم کے جسمانی ریمانڈ کی استدعا مسترد، جوڈیشل ریمانڈ پر جیل بھیج دیا
29 جنوری ، 2024
لاہور کی انسدادِ دہشت گردی کی عدالت نے پاکستان تحریک انصاف کی کارکن صنم جاوید کے تھانہ شادمان جلاؤ گھیراؤ کیس میں جسمانی ریمانڈ کی درخواست مسترد کردی اور 14 روزہ جوڈیشل ریمانڈ پر جیل بھیج دیا۔
انسداد دہشت گردی کی عدالت کے جج ارشد جاوید نے ن لیگ کا آفس جلانے کے مقدمے پر سماعت کی۔ عدالت نے وکلا کے دلائل مکمل ہونے کے بعد محفوظ فیصلہ سنادیا اور صنم جاوید کی درخواست ضمانت منظور کرلی۔
انویسٹی گیشن پولیس نے بعد میں تھانہ شادمان جلاؤ گھیراؤ کے مقدمے میں صنم جاوید کی گرفتاری ڈال دی اور انسداد دہشت گردی کی عدالت میں پیش کرکے ان کے جسمانی ریمانڈ کی استدعا کی۔
عدالت نے صنم جاوید کے جسمانی ریمانڈ کی درخواست مسترد کردی اور انہیں 14 روزہ جوڈیشل ریمانڈ پر جیل بھیج دیا۔
