فلیمنگو کا جھنڈ جہاز سے ٹکرانے سے 29 پرندے ہلاک

بھارت: فلیمنگو کا جھنڈ جہاز سے ٹکرانے سے متعدد پرندے ہلاک ہوگئے۔

بھارتی میڈیا کے مطابق یہ واقعہ ممبئی میں پیش آیا جہاں ایک غیر ملکی ائیرلائن کے طیارے سے پرندوں کا جھنڈ ٹکرانے سے 29 پرندے ہلاک ہوگئے۔

میڈیا رپورٹس میں بتایا گیا ہےکہ گلابی رنگ کے فلیمنگو کا جھنڈ لینڈنگ کے وقت جہاز کی زد میں آگیا جس سے 36 پرندے کے ہلاک ہونے کی اطلاع موصول ہوئی۔

محکمہ جنگلات کے حکام کا کہنا ہے کہ مقامی لوگوں نے وائلڈ لائف کو گھاٹ کوپر کے علاقے میں پرندوں کے مردہ ہونے کی اطلاع دی اور وہاں پہنچ کر حکام نے پرندوں کے بکھرے ہوئے اعضاء پائے۔

حکام کے مطابق واقعے کی مزید تحقیقات کی جارہی ہیں۔