09 جون ، 2024 
کراچی: سکیورٹی اداروں کی لیاری میں کارروائی، 50 سے زائد افراد کے قتل میں ملوث ملزمان گرفتار
09 جون ، 2024
کراچی کے علاقے لیاری میں رینجرز اور سی ٹی ڈی نے مشترکہ کارروائی کرتے ہوئے قتل اور بھتہ خوری کی درجنوں وارداتوں میں ملوث دو ملزمان کو گرفتار کر لیا۔
ترجمان رینجرز کے مطابق گرفتار ملزمان کا تعلق گینگ وار سرغنہ احمد علی مگسی گروپ سے ہے، ملزم شہزاد اور نوید سے غیر قانونی اسلحہ، بارود اور منشیات بھی برآمد ہوئی۔
رینجرز ترجمان کا بتانا ہے کہ ملزمان متعدد افراد کو اغوا اور قتل کرنے میں ملوث رہے ہیں، ملزمان نے 50 سے زائد افرادکو اغواکر کےقتل کرنےکا اعتراف بھی کیا ہے۔
ترجمان رینجرز کے مطابق ملزمان نے 2010 سے 2018 تک ساتھیوں کے ہمراہ لسانی بنیادوں پر شہریوں کو اغواکیا، ملزمان نے مغویوں کو سنگولین میں سلمان چیئر مین کے گھر میں تشددکے بعد قتل کیا۔
ترجمان کے مطابق ملزمان مغویوں کی لاشوں کوبوری میں بندکر کے شہرکے مختلف علاقوں میں پھینکتے تھے۔
ترجمان کا بتانا ہے کہ ملزمان مغویوں کو قتل کرکے بوری میں ڈال کے لیاری ندی میں پھینکتے تھے، ملزمان تاجروں سے بھتہ وصول کرکےگینگ وار سرغنہ کوبیرون ملک بھجواتے تھے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
10 گھنٹے پہلے
کراچی میں ڈاکوؤں نے ایک اور چراغ گُل کر دیا
10 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
