پاکستان میں ہونیوالی آئی سی سی چیمپئنز ٹرافی کیلئے کتنا بجٹ مختص کیا گیا؟

اگلے سال پاکستان میں ہونے والے آئی سی سی  چیمپئنز ٹرافی کرکٹ ٹورنامنٹ کے لیے 7 کروڑ ڈالرز کا بجٹ مختص کر دیا گیا ہے۔

بھارتی میڈیا کے مطابق آئی سی سی چیمپئنز ٹرافی کا بجٹ آئی سی سی فنانشل اور کمرشل کمیٹی کی جانب سے اسکروٹنی کے بعد منظور کیا گیا ہے۔

بھارتی میڈیا کا کہنا ہے کہ چیمپئنز ٹرافی کے لیے 70 ملین ( 7 کروڑ) ڈالرز کا بجٹ مختص کیا  گیا اور ایونٹ کے اضافی اخراجات کے لیے 4.5 ملین ڈالر کی اضافی رقم بھی مختص کی گئی ہے۔

چیمپئنز ٹرافی 2025: پی سی بی نے کونسے 3 وینیوز تجویز کیے؟

آٹھ ٹیموں کا ٹورنامنٹ دو ہفتوں تک جاری رہنے کی توقع ہے، جب کہ تاحال حتمی تاریخوں کا اعلان نہیں کیا گیا ہے

واضح رہے کہ آئی سی سی فنانشل اور کمرشل کمیٹی کے سربراہ بھارتی کرکٹ بورڈ کے سیکرٹری جے شاہ ہیں۔

 چیمپئنز ٹرافی کا بجٹ پی سی بی اور آئی سی سی فنانس ڈپارٹمنٹ نے مشترکہ طور پر بنایا تھا ۔

یاد رہے کہ چیمپئنز ٹرافی اگلے سال پاکستان میں شیڈول ہے۔