ٹیسٹ میں بنگلادیش سے شکست، ٹیم منیجمنٹ کو فاسٹ بولرز کی گرتی پیس پر تشویش

راولپنڈی ٹیسٹ  میں بنگلادیش کے ہاتھوں 10 وکٹوں سے شکست کے بعد قومی ٹیم منیجمنٹ  بولرز کی  پرفارمنس سے ناخوش ہے اور  فاسٹ بولرز کی گرتی پیس  پر تشویش کا اظہار بھی کیا ہے۔

ذرائع کے مطابق ٹیسٹ کے بعد کپتان، سینئر کھلاڑیوں اور کوچز کے درمیان  فاسٹ بولرز کی پرفارمنس پر بات چیت ہوئی۔ اس دوران کہا گیا کہ  بیٹرز  نے پہلی اننگز میں میچ سیٹ کردیا تھا، ڈیکلریشن کے بعد پچ پر فاسٹ بولرز کی مدد کے لیےگھاس موجود تھی، فاسٹ بولرز پچ پرگھاس کا فائدہ نہیں اٹھاسکے، ہمارےفاسٹ بولرز کی پیس بھی کم تھی۔

راولپنڈی ٹیسٹ میں بنگلادیش کی تاریخی فتح، پاکستان کو 10وکٹوں سے شکست

دوسری اننگز میں پاکستانی ٹیم محض 146 رنز بناکر آل آؤٹ ہوگئی تھی اور مہمان ٹیم بنگلادیش کو 30 رنز کا ہدف دیا تھا

ٹیم منیجمنٹ اور سینئرکھلاڑیوں کا کہنا تھا کہ ہمارے فاسٹ بولرز کی گیند وکٹ کیپر تک نہیں پہنچ رہی تھی، ہمارے فاسٹ بولرز دوسری نئی گیندکا بھی فائدہ نہ اٹھاسکے جب کہ بنگلادیش کے فاسٹ بولرز کی ہمارے فاسٹ بولرز سے زیادہ پیس تھی۔

ذرائع کا کہنا ہےکہ اسپنر ابرار احمد اور فاسٹ بولر میرحمزہ کا دوسرا ٹیسٹ کھیلنےکے قوی امکانات ہیں۔

کئی کپتانی کے امیدوار ہوں تو ایسا ہی ہوتا ہے، سلمان بٹ کا قومی کرکٹ ٹیم پر تبصرہ

بنگلا دیش نے پاکستان ٹیم کو ہر شعبے میں آؤٹ کلاس کیا، بنگلا دیش کے فاسٹ بولروں کی اوسط اسپیڈ ہم سے اچھی رہی جو حیران کن ہے، سلمان بٹ

راولپنڈی ٹیسٹ میں بنگلادیش کے ہاتھوں 10 وکٹوں سے شکست پر شاہد آفریدی پھٹ پڑے

10 وکٹوں کی شکست اس قسم کی پچ تیار کرنے، 4 فاسٹ بولرز کو منتخب کرنے اور ایک اسپیشلسٹ اسپنر کو باہر بٹھانےکے فیصلے پر سنجیدہ سوالات اٹھاتی ہے، شاہد آفریدی