وکلاء کو اعتماد میں لیے بغیر آئینی پیکج بے سود ہو گا: آل پاکستان وکلاء نمائندہ

 آل پاکستان وکلاء نمائندہ کا کہنا ہے کہ وکلاء کو اعتماد میں لیے بغیر آئینی پیکج بے سود ہو گا۔

آل پاکستان وکلاء نمائندہ نے اپنے اجلاس کا اعلامیہ جاری کردیا جس کے مطابق اجلاس میں مجوزہ آئینی ترمیم کے بارے میں تفصیل سے گفتگو کی گئی جب کہ  وزیر قانون اعظم نذیر تارڑ نے وکلاء کے سوالات کے تفصیل سے جواب دیے۔

وکلاء نمائندہ نے اجلاس میں قرارداد پیش کی جس کے مطابق پارلیمان قانون سازی اور آئینی ترمیم کرنے کا اختیار رکھتا ہے تاہم قانون سازی یا آئینی ترامیم آئین کے بنیادی ڈھانچے سے متصادم نہ ہو۔

قرارداد کے مطابق وکلاء کو اعتماد میں لیے بغیر آئینی پیکج بے سود ہو گا ، مجوزہ آئینی ترمیم کے مسودے کو مشتہر کیا جائے۔

اعلامیے میں مزید کہا گیا ہے کہ سپریم کورٹ بارایسوسی ایشن کی 63 اے پرآئینی درخواست سماعت کیلئے مقرر کی جائے۔

جے یوآئی کے رہنما نےآئینی ترامیم پر حکومت سے کی گئی بات چیت کی اہم تفصیلات بیان کردیں

اگر کوئی سمجھے کہ ہم اُس کے ساتھ سڑکوں پر ہوں گے یا کوئی سمجھے کہ ہم حکومت میں ہوں گے تو یہ درست نہیں ہے: سینیٹر کامران مرتضیٰ

حکومت نے سیاسی جماعتوں سے مشاورت کے بعد آئینی ترامیم کا اپڈیٹڈ مسودہ تیار کرلیا: عطا تارڑ

مشاورت کا دائرہ وسیع کر رہے ہیں، مولانا سے بھی بات چل رہی ہے، پرانا مسودہ پیپلزپارٹی اور جے یو آئی کے پاس موجود تھا، تب ہی شق وار مشاورت ہوئی: وفاقی وزیراطلاعات کا بیان