القسام بریگیڈز نے اسرائیلی فوجی کو اسنائپر سے نشانہ بنانے کی ویڈیو جاری کردی

فلسطینی مزاحمتی تنظیم حماس کے عسکری ونگ القسام بریگیڈز  نے غزہ میں اسرائیلی فوجی کو اسنائپر سے نشانہ بنانے کی ویڈیو جاری کردی۔

ویڈیو میں غزہ کے علاقے مشرقی بیت حانون میں اسرائیلی فوجی کو اسنائپر سے نشانہ بناتے ہوئے دیکھا جاسکتا ہے۔

القسام بریگیڈز کے مطابق اسرائیلی فوجی کو نشانہ بنانے کا آپریشن فلسطینی اسلامی جہاد کے عسکری ونگ القدس بریگیڈز کے ساتھ مل کر انجام دیا گیا۔

 خیال رہے کہ 7 اکتوبر 2023 کے حملوں کو ایک سال مکمل ہونے پر القسام بریگیڈز کی جانب سے آج اسرائیلی دارالحکومت تل ابیب میں راکٹ بھی داغے گئے جو اسرائیلی دارالحکومت میں مختلف مقامات پر گرے۔

اسرائیلی فوج کا کہنا ہے کہ خان یونس کے علاقے سے وسطی اسرائیل میں 5 راکٹ فائر کیے گئے۔

عرب میڈیا کے مطابق اگست کے بعدکسی بڑے اسرائیلی شہرپر فلسطینی گروپ کا یہ پہلاحملہ ہے۔

اسرائیلی میڈیا کے مطابق حماس کے راکٹ تل ابیب پر مختلف مقامات پر گرے جن کے نتیجے میں دو اسرائیلی زخمی ہوئے۔

غزہ جنگ کو ایک سال مکمل، حماس نے تل ابیب پر پھر راکٹ داغ دیے

القسام بریگیڈ نے خان یونس کےعلاقے سے وسطی اسرائیل میں 5 راکٹ فائر کئے

تل ابیب پر حماس کا راکٹ حملہ، نقصانات کے مناظر سامنے آگئے

اسرائیلی میڈیا کے مطابق حماس کے راکٹ تل ابیب پر مختلف مقامات پر گرے جن کے نتیجے میں دو اسرائیلی زخمی ہوئے۔